[食記] 香港最好吃的拉麵

rice | 10th Jun 2009, 10:13 AM | 食事 | (351 Reads)

很久之前已經聽說香港最好吃的是油麻地的橫綱拉麵。每一回經過都看到門外大排長龍，還在想是不是這麼好。

吃過交易廣場的札幌拉麵，已經覺得是最好吃，反而在日本吃到的是ok 又不是十分好。

三至六下午茶時間，不用排隊，還有8折。

煮麵的雖然是香港人師傅，但看其煮麵時的認真程度，我還以為是日本人來的。

很快味玉拉麵($42，折後$33.6)來了。

切粒的叉燒入味，有肥又瘦，不會韌，溏心蛋不俗，麵條煮得剛好，湯底重豬骨味，總括而言就是超美味的拉麵~ 真係算係香港食過最好食喎！

其實拉麵本來就是平民食物，搞咁多野都唔一定好食，不如老老實實去返d小店坐吧檯睇師傅煮麵，煮好立刻有得食的仲實際。

話時話，而家大熱天時又排隊又食咁熱既野，真係幾惡頂。

留言(5) | 引用(0)

[1]

你好...我是路人甲...

這間店我在1992年開始幫襯...點解記得咁清楚...因為當時在白英褀讀緊夜校...上電腦堂

横綱真係好好食...雖然地方細細...就成日有人龍...係日本人開架...當年老闆...重有一個大眼日本仔喺度煮麵...

後嚟生意越嚟越好...係附近閣樓開多一間...但咁反而生意無咁旺...最後執咗新果間...

依家得翻老店...最鐘意食佢啲拉麵...同咖喱...

佢喺白英其前的一條小斜路...我哋係未講緊同一間呀...

[引用] | 作者阿跌 | 10th Jun 2009 1:55 PM | [舉報垃圾留言]

你好呀~ 多謝光臨
係呢間呀，斜路果間嘛，而家得返本店。你的資料很詳盡的說
其實今次係第一次食
佢真係每個環節都做得好，由湯底到煮麵到配料咁。飲到熱辣辣既湯真係感動 (雖然果日成三十幾度)
如果唔係成日都咁多人我會食多d...

[引用版主回覆] | 作者 rice | 10th Jun 2009 3:39 PM

[2]

我係四五年前去食過兩三次，仲記得加牛油的湯底係好令人感動的(當然，唔好三十幾度玩呢樣野...)

不過呢間實在太多人，我六點幾去到都要排隊所以好多年無去過呢...(或者搵日Tea time 「鼠」出去食..)

[引用] | 作者 yan | 10th Jun 2009 11:31 PM | [舉報垃圾留言]

係...拉麵真係天冷飲住熱湯最正...
難得我果日咁鬼熱仲有心情去食拉麵，仲要覺得佢好食喎~

你tea time出去食仲好啦，唔駛迫又有8折~

[引用版主回覆] | 作者 rice | 11th Jun 2009 9:25 AM

[3]

帶著簡單的行囊,來花蓮旅遊走走,順便體驗一下各種花蓮民宿帶給你的不同感受 ,品嚐道地花蓮美食的特別小吃風味,也可以騎著單車來品味花蓮 ,呼吸著新鮮的花蓮空氣,所以來花蓮住宿就帶著輕鬆的心情吧!!花蓮擁有各種不同風格的花蓮民宿,歡迎您來花蓮旅遊放鬆心情體驗美麗的花蓮民宿!!希望你喜歡上花蓮民宿喔!!

[引用] | 作者花蓮民宿 | 11th Jun 2009 3:08 PM | [舉報垃圾留言]

[4]

都有超過10年冇去過了。當年我去特地去試吃的。很不錯。

[引用] | 作者金田一 | 14th Jun 2009 1:31 PM | [舉報垃圾留言]

10年！不過我都會食過之後要隔好好好耐先會想再去食
哈，我次次去食野都係特登去的 (通常)

[引用版主回覆] | 作者 rice | 22nd Jun 2009 8:50 AM

[5]

難道是我唔識食....
我上次去...o者係舊年...覺得麻麻地咋喎...
service都麻麻..
溏心蛋好食。

[引用] | 作者 Yuna | 14th Jun 2009 10:32 PM | [舉報垃圾留言]

唔好咁講，我覺得好食未必人人都覺得，口味唔同嘛
service 算係咁啦，間野咁細d人一定好大壓力...
我上次起碼都唔該前唔該後

[引用版主回覆] | 作者 rice | 22nd Jun 2009 8:52 AM